Jetzt ist sie da, die erste HOOT-CD
"SONGS US'M HOOT"
mit 15 Songs von und mit F.M. WILLIZIL!
Alle Texte und Hörbeispiele
BRING MICH HEIM
(T.+M.: F.M.Willizil)
Bring mich heim – heim noh Hus
knips et Naaksdesch-Lämpche us
nemm mich einfach en dr Ärm
hald mich fass – un hald mich wärm
Vell ze lang wor ich op Jöck
han mich en dr Welt jesööck
su vell Johre op dr Stross
endlos Zick hät dat jekoss
Fremb de Minsche, fremb et Land
frembde Sproch, die ich nit kannt
un immer irjendjet vermess
bes ich woss, dat do dat bes
Bring mich heim – heim noh Hus ....
Selvs als do dann bei mir wors
wor’t mir immer noch nit klor
wat ich eijentlich finge wollt
ich loort noh Jeld un Jlanz un Jold
endlich weiss ich, wat ich well
heim met dir – he op dr Stell
wo ming Reis jo irjendwann
vör langer Zick ens bejann
Bring mich heim – heim noh Hus ....
Geschrieben im Juli 1994 in Bishopstown,
während eines Irland-Urlaubs unter dem faszinierenden Eindruck
von Land und Leuten. Veredelt durch Johannes Schiefner
mit seiner wunderbaren Uilleann Pipe und Whistle.
Naaksdesch-Lämpche …… Nachttischlämpchen
fass …… fest
op Jöck …… unterwegs
jesööck …… gesucht
Stross …… Strasse
Zick …… Zeit
Sproch …… Sprache
ich loort …… Ich schaute nach
Copyright PAPAGAYO Musikverlage Hans Gerig oHG
NIX EM BÜGGEL
(M.: Trad./Bearb.: SCHMITZ; T.: F.M.Willizil)
Nix em Büggel, ävver all joot drop
nix em Büggel, ävver all joot drop
ruude Nas, jeck em Kopp
nix em Büggel, ävver all joot drop
De Täsche leer un affjebrannt stommer he me’m Rögge an dr Wand
Pleitegeier rejiert et Land - hammer immer schon jekannt
Driess drop – wat koss de Welt; mr zahlen suwiesu met Plastikjeld
dr letzte Euro op dr Kopp jeklopp – mir han nix em Büggel, ävver all joot drop
Nix em Büggel, ävver all joot drop ...
Dä Kanzler säht: „Et weed alles joot!“ Hahaha – do laachste dich kapott
Finanzloch, dat krijjen se nit jestopp – se han nix em Büggel, ävver all joot drop
Ich sag’: Yeh-yeh ...
Wammer lang jenooch jeklüngelt han, kumme mr dann all em Himmel an
Petrus laach un säht: „Hey, kutt erop; mir han nix em Büggel, ävver all joot drop!“
Doch he es noch lang nit Schluss, mir schaffen et us jedem Schlamassel erus
su schnell rääch uns nix mih op:
Leever ärm un jlöcklich - als rich un beklopp!!
Nix em Büggel, ävver all joot drop ... (2x)
Als Finanzminister Eichel kurz nach den Bundestagswahlen 2002 in ein Finanzloch nach dem anderen stolperte, entstand dieser Text. Damals konnte und wollte natürlich auch niemand vorhersehen, dass er bis heute uneingeschränkt gültig ist. Jottseidank hammer ja die rheinische Grundmentalität, die mit den Fährnissen des Schicksals bestens umzugehen weiss.
Für diese CD in einer neu aufgenommenen Version.
Büggel …… hier: Geldbeutel
joot drop …… gut drauf
Täsche …… Taschen
Rögge …… Rücken
driess drop …… scheiss drauf
jestopp …… gestopft
wammer …… wenn wir
kumme …… kommen
kutt erop …… kommt rauf
rääch …… regt
rich …… reich
Copyright PAPAGAYO Musikverlage Hans Gerig oHG
ICH BIN KLEIN
(T.+M.: F.M.Willizil)
Juten Tach, ich bin dr Heinz, ich bin jut drauf;
da is nur eins, dat rech mich immer furchbar auf
is irjendwo was Schlimmes passiert, bin jarantiert ich anjeschmiert
weil dann jeder nur noch lacht
un sacht: dat hat dr Heinz jemacht
alle starren se mich dann an
dabei habe ich doch janix jetan
Ich bin klein, mein Herz is rein - ich kann das nicht jewesen sein
und wenn doch, kanns du mir noch das eine Mal verzeih’n
Ich bin klein, mein Herz is rein - ich kann das nicht jewesen sein
und wenn doch, kanns du mir noch das eine Mal verzeih’n
au, das wär fein
Jibt et irjendwo Krawall
oder nen Super-Riesen-Mega-Skandal
oder is bei uns Tumult, dann is schon Kult: der Heinz war schuld
aber jejen Böses bin ich immun
sowat würd’ ich nie im Leben tun
die anderen, dat sin die Bengel
ich bin doch bloss ein kleiner, süsser Engel
Ich bin klein, mein Herz is rein …
Am besten is, ihr hört auf meinen Rat
wenn man euch mal am Schlafittchen hat
dann labert nich lang rum
und stellt euch einfach dummdideldummdideldumm und singt:
Ich bin klein, mein Herz is rein …
Jaja, erst Driss bauen und sich dann aus der Verantwortung stehlen! Aber diesen Spruch kriegt man ja, zumindest so ähnlich, schon im zarten Kindesalter als Gutenacht-Gebet beigebracht. Ein Lied für alle (B)engel dieser Welt.
Copyright PAPAGAYO Musikverlage Hans Gerig oHG
PASS JOOT OP DICH OP
(T.+M.: F.M.Willizil)
Dat Kinderlaache op däm Foto an dr Wand em Flur
es noch janit esu lang her, mir kütt et vür wie e paar Daach nur
ding Mamm un ich, mir woren jrad noch einfach alles för dich
doch all die Johre sin op eimol bal wie fottjewisch
do jehs jetz dinge eijene Wääch - un ich hoff, do küss do drusse joot zorääch
Pass joot op dich op,
fall nit op dr Kopp
bes immer joot drop,
ov Top oder Flop
maach dich nit beklopp
pass joot op dich op
Dinge Lieblingsteddy schlöf jetz he allein op dingem ahle Bett
un ding Mamm fröch jrad, ov et Telefon noch nit jeklingelt hät
„Maat üch kein Sorje“, häste noch jesat, do köms jo schon parat
jo, ich weiß, dat han ich domols doch met mingem Papp jenauso jemaat
do jehs jetz dinge eijene Wääch - un ich hoff, do küss do drusse joot zorääch
Pass joot op dich op …
Met de Fööss op dr Ääd un me’m Kopp en de Wolke
sollste durch et Lääve jon
do kanns alles don, ävver bliev mr bloß nit ston
Pass joot op dich op …
Irgendwann kommt für uns leidgeprüfte Eltern der Tag, an dem die Sprösslinge das warme Familiennest verlassen, um die grosse, weite Welt für sich zu entdecken. Und dann bleibt uns nichts als diese eine letzte Bitte, die wir unseren Pänz quasi wie ein Mantra hinterher rufen. Und auf einmal wissen wir ganz genau, wie sich unsere eigenen Eltern damals gefühlt haben müssen.
Geschrieben am 2.Januar 2000, die erste Komposition nach meinem Ausstieg bei den Höhnern Silvester 1999. Mit SCHMITZ in 2001 für den Sampler “Kuschel- Kölsch” veröffentlicht. Hier in einer neuen Fassung.
kütt et vür …… kommt es vor
Daach …… hier: Tage
fottjewisch …… fortgewischt
Wääch …… Weg
küss do druses …… kommst da draussen
joot drop …… gut drauf
köms …… kämst
Föös op dr Ääd …… Füsse auf der Erde
Lääve …… Leben
aver …… aber
ston …… stehen
Copyright PAPAGAYO Musikverlage Hans Gerig oHG
NEPPESER MÄDCHER
(T.+M.: F.M.Willizil)
He di he, he di ho ....
Wat simmer erömjekumme en dr jrossen weiten Welt
han su manche Jeck jetroffe, vell jesin wat uns jefällt
doch an eins, do kütt dat alles em Läävve nit dran
Jung - dat sin die Mädcher, die mr he en Neppes han
E Neppeser Mädche muss et sin
Neppeser Mädcher krijjen et hin
dat es dr Haupjewenn - su e Neppeser Mädche!
E Neppeser Mädche – dat kütt jot
Neppeser Mädcher – kölsches Bloot
dat krisste nit kapott - su e Neppeser Mädche!
Do loss mr doch ens einfach lans de Neppeser Strosse jon
dann liehrste flöck, wat he em Hätz vun Kölle wonnt
un häste eets ens eins vun denne Leckerche jesin
jo, dann trick et dich einfach immer widder zo uns noh Neppes hin
E Neppeser Mädche muss et sin ……
Neppeser Mädche – alles dran
Neppeser Mädche knips dich an
do föhls dich wie op dr Achterbahn
Mann oh Mann
E Neppeser Mädche muss et sin …….
He di he, he di ho ……
Neppeser Mädcher – Neppeser Mädcher ….
Am Schluss wird aber dann (hoffentlich) doch klar, dass auch die anderen Kölner Stadtteile nicht mit weiblichen Reizen geizen ...
Die Aufnahme mit meinen SCHMITZens aus 2004 wurde hier teilweise neu eingespielt und gemischt.
erömjekumme …… herumgekommen
jesin …… gesehen
kütt …… kommt
Neppes …… Kölner Stadtteil
Haupjewenn …… Hauptgewinn
Bloot …… Blut
kapott …… kaputt
lans …… entlang, längs
liehrste flöck …… lernst du schnell
Hätz …… Herz
eets ens …… erst mal
trick …… zieht
Copyright PAPAGAYO Musikverlage Hans Gerig oHG
DU UN ICH
(T.+M.: F.M.Willizil)
Kumm einfach jet nöher, dat wör jetz esu schön
ich künnt dir vill deefer en ding Äujelcher sinn
ich kann dich jot ligge, dat weisste doch längs
un ich weiss och jenau, wat du jetz jrad denks
Du un ich, mir zwei - dat jeht nie vorbei
loss mr sulang mr lääve anenander klääve
Du un ich, mir zwei - dat jeht nie vorbei
ich un do – dat es suwiesu fass wie Zauberei
Drussen die Welt es kalt un had
kumm, mr flejen en et Jlöck – ohne Röckfahrkaat
do häs mich verzaubert, verdriehs mir dr Kopp
ach Mädche - hür jetz bloss nit op
Du un ich, mir zwei - dat jeht nie vorbei
loss mr sulang mr lääve anenander klääve
Du un ich, mir zwei - dat jeht nie vorbei
ich un do – dat es suwiesu fass wie Zauberei
Ben ich dat all bloss am dräume - es et wohr, wat met uns he passeet?
Wä kann schon wesse, wat all noch kütt, un wohin unser Zauberfahrt jeht
Du un ich, mir zwei - dat jeht nie vorbei
loss mr sulang mr lääve anenander klääve
Du un ich, mir zwei - dat jeht nie vorbei
ich un do – dat es suwiesu fass wie Zauberei
Ein Liebeslied für die Eine, die genau weiss, dass nur sie gemeint ist.
deefer …… tiefer
Äujelcher …… Augen
ligge …… leiden
lääve …… leben
klääve …… kleben
fass …… hier: fast
had …… hart
kütt …… kommt
Copyright PAPAGAYO Musikverlage Hans Gerig oHG
STAU-BLUES
(T.+M.: F.M.Willizil)
Et es ene wunderschöne Mondaachmorje – eijentlich vill ze schad för opzestonn
ävver wat deit mr nit alles för e schön Fröhstöck …
doför quäl ich mich sujar us mingem schöne warme Bett
un fahr met mingem schnelle Wage Brütcher hole en dr Stadt
Wo kumme die bloss all her? - Wo wollen die bloss all hin?
Wagen an Wagen an Wagen – mäht dat noch ene Sinn?
Jitt et do irjendjet för lau? - Oder jitt Elvis do vörren en Show?
Nix jenaues weiss mr nit jenau
Hau, hau, hau - ich jläuv, ich ston em Stau
nä, nä, nä - wat wollen all die Jecke he?
jetz stommer he Kess an Kess - nä, wat enen herrlichen Dress
Jeht dat ens bal he wigger?! – Ich han jetz lang jenoch jewaad
dr Verkehrsfunk hät vun däm Stau kei Woot jesat – nä!!
Do es bestemp widder en Baustell - oder su nen Doof hät ene Klatsch jebaut
op jeden Fall hät sich ens widder alles jestaut - un mir dr janze Daach versaut!!
Hau, hau, hau - ich jläuv, ich ston em Stau …
Ich wollt eijentlich nur e paar Brötchen holen
zom Fröhstöck beim Bäcker nevvenan
ich wollt eijentlich bloss schnell die Avkürzung nehmen
un jetz han ich die Aaschkaat he op dr Autobahn ... ...
Hau, hau, hau - ich jläuv, ich ston em Stau
Oh, oh, oh - dr Kölner Ring es zo
jetz stommer he Kess an Kess
nä, wat ene herrliche, herrliche, herrliche ...
Hau, hau, hau - ich jläuv, ich ston em Stau …
Jeder, der den Kölner Autobahnring im Berufsverkehr befahren darf, sollte a) ein bisschen Zeit mitbringen und b) wesentlich mehr Geduld aufbringen als der Autor dieses kleinen Liedes.
Mondaachmorje …… Montagmorgen
opzestonn …… aufzustehn
Brütcher …… Brötchen
jitt …… gibt
jläuv …… glaube
Kess …… Kiste, hier: Karre
Dress …… Mist
wigger …… weiter
jewaad …… gewartet
Woot …… Wort
Daach …… Tag
Aaschkaat …… Arschkarte
he …… hier
Copyright PAPAGAYO Musikverlage Hans Gerig oHG
KÖLSCHE FLAMM
(T.+M.: F.M. Willizil)
Vör dr Stadtpooz es ihr Bloot jeflosse
vum Mädche us däm Engeland
en Kölle moht se’t Levve losse
St.Ursula wood it jenannt
wood met ihr’ zehn beste Fründinne
en et kölsche Wappen enjebrannt
Iewich brennt die kölsche Flamm
deef en mingem Hätz
heiss un hell e Läävve lang
un stärker als jedes Jesetz
die kölsche Flamm!
Wat dat Mädche uns jezeich hät
Stolz un Mot un Treu
dat kammer hück noch joot jebruche
mr liehrt et immer widder neu
loss dat Flämmche en dir jlöhe
un do häs ding eijene Sonn dobei
Iewich brennt die kölsche Flamm …
Ov Prinz, Prolete oder Hillije
et brennt en dir un mir, dat kölsche Füür
Iewich brennt die kölsche Flamm …
Anfang 2003 fragte mich der Gerig-Verlag, ob ich nicht einen Song über die Legende der Heiligen Ursula für das Buch „Musikalische Spaziergänge durch Köln“und die ihm beiliegende CD schreiben könne. „Kein Problem“, sagte ich darauf, musste aber erstaunt feststellen, dass diese Legende Stoff für eine komplette Oper in sich birgt. Wie krieg’ ich das alles bloss in ein Lied gepackt? – Da fiel mein Blick auf das alte kölsche Lesebuch „Krune un Flamme“ mit dem Kölner Stadtwappen auf dem Cover. Und sofort war es mir klar: die Heilige Ursula, dat es natürlich die „Kölsche Flamm“ …
Auf dieser CD in einer komplett neuen Fassung.
Stadtpooz …… Stadttor
Bloot …… Blut
et Levve losse …… das Leben lassen
iewich …… ewig
deef in mingem Hätz …… tief in meinem Herz
hück …… heute
liehrt …… lernt
jlöhe …… glühen
Hillije …… Heilige
Füür …… Feuer
Copyright PAPAGAYO Musikverlage Hans Gerig oHG
D’RJUNG
(T.+M.: F.M.Willizil)
Jo, jo, jo .......
Wenn do als Jung jeboore weeds, häste’t doch nur noch joot
de Mamm hät dich esu richtich jän, un do küss nie ze koot
un jedesmol häs do ding Freud, wann de Mamma janz zärtlich zo dir säht:
Dr Jung muss jet esse un si Fläschelche han
dr Jung brauch wat ze spielen en dr Badewann
dr Jung brauch en zarte Hand för dr Bauch un dr Po
dann muss hä jet schlofe, denn dr Jung bruch sing Rauh
Jo, jo, jo .......
E klei paar Jöhrcher späder dann - vill schneller, als wies do dat denks
hät et Schicksal dich medden en de Ärm vun enem leckere Leevje jelenk
un do denks: Hey, dat es janit verkeet, dat he immer ne volle Teller o’m Köchedesch steht -
Denn dr Jung muss jet esse ...
Doch irjendwann, jo irjendwann küsste dann em Seniorenheim an
liss mööd en dingem Bett, un die fründliche Naaksschwester sät:
Dr Jung muss jet esse ...
Jo, jo, jo .......
Egal, wie alt ein Mann auch wird – er bleibt im Kölschen immer “D’r Jung”. Und seine mannigfaltigen Bedürfnisse wollen halt ständig erfüllt werden …
ze koot …… zu kurz
Rauh …… Ruhe
E klei paar Jöhrcher …… Einige wenige Jahre
Leevje …… Liebchen
küsste …… kommst du
Naaksschwester …… Nachtschwester
Copyright PAPAGAYO Musikverlage Hans Gerig oHG
JEDER DAACH
(M.+T.: F.M.Willizil)
Jeder Daach es ne janz neue Anfang
jeder Morje hät e janz neu Jeseech
selvs die ahle Sonn övver’m Horizont
tauch alles en e janz neu Leech
Jeder Daach es e wiess Blatt Papier
för dich janz allein reserviert
selvs dä ahle Stän övver’m Horizont
weiss och nit jenau, wat hück all noch passiert
Setz die Sejel op enem Augebleck medden en dr Iewichkeit
wat jestern wor, dat es vörbei
es och die Erinnerung manchmol schwer wie Blei
verzällt dir dousendmol, do wörs nit frei
Doch jeder Daach es ne janz neue Anfang ...
Angs es keine jode Fründ, se friss dich langsam op
se lähmp dich bloss, mäht dich beklopp
alles widder op Anfang, füll ding Lung met neuer Luff
un spür die Chance die vör dir litt wie ne söösse Duff
Denn jeder Daach es ne janz neue Anfang ...
Hät och die ahle Sonn sich manchmol
hinger’m Nevvel jot versteck
jede Morje es se pünklich widder zoröck
Denn jeder Daach es ne janz neue Anfang ...
Die Idee zu diesem Song lag schon seit Ende der Achtziger Jahre in der Schublade rum und ist inzwischen ein bewährter Einstieg ins Hoot-Solokonzert-Programm.
Für den Oboen-Part hatte ich mir von vornherein Alexander „Wusel“ Hässy gewünscht. Schön, dat dat jeklapp hät!
Jeseech …… Gesicht
Leech …… Licht
wiess …… weiss
Stän …… Stern
hück …… heute
Fründ …… Freund
litt …… liegt
Nevvel …… Nebel
Copyright PAPAGAYO Musikverlage Hans Gerig oHG
RUSEMONDAACH ES VÖRBEI
(T.: F.M.Willizil, G.Steinig / M.: F.M.Willizil)
Op de Strosse vun Kölle es widder Rauh enjekiert
he un do en de Hüser weed wiggerjefiert
do, wo jrad noch Freud un Spass
es jetz alles stell en dr Jass
op de Strosse vun Kölle es widder Rauh enjekiert
Bunte Kamelle zertrampelt em Dreck
wie dr Prinz se jewurfe hät, woren de Lückcher su jeck
doch dat es jetz ald fass verjesse
Kiehrmänncher kumme met jrosse Bese
bunte Kamelle zertrampelt em Dreck
Rusemondaach es vörbei
Rusemondaach es vörbei
Ne kleine Indianer kütt vum Kreechspfad noh Hus
dr Zoch es am Engk, un de Luff es erus
morje noch ens durch et Veedel trecke
do treffe sich die letzte Jecke
ne kleine Indianer kütt vum Kreechspfad noh Hus
Rusemondaach es vörbei
Rusemondaach es vörbei
Rusemondaach es vörbei
1979 geschrieben, 1980 auf der Höhner-LP „Ich ben Clown“ von Peter Horn gesungen, nun endlich in eigener Fassung veröffentlicht. Der damalige Höhner-Bassist Günter Steinig steuerte das schöne Bild vom „kleinen Indianer“ bei.
Eins meiner persönlichen Lieblingslieder.
Rusemondaach …… Rosenmontag
Strosse …… Strassen
Rauh enjekiehrt …… Ruhe eingekehrt
Hüser …… Haüser
wiggerjefiert …… weitergefeiert
Jass …… Gasse
Lückcher …… Leute
Kiehrmänncher …… Kehrmännchen (Müllabfuhr)
Zoch es am Engk …… hier: Rosenmontagszug ist zu Ende
durch et Veedel trecke …… durchs Viertel ziehen
Copyright PAPAGAYO Musikverlage Hans Gerig oHG
ROSALIE
(DAT LEED VUN DR INKOSEQUENZ)
(T.+M.: F.M.Willizil)
Wenn do des Morjens us’m Finster hängs, un alle Blecke op dich lenks
weil do ald widder met mir schängs - dann krijjen ich zevell
wenn ding zarte Stemm durch de Jasse schallt, un et dr janzen Stadt verzallt
ich hän’t de Meet noch nit bezahlt - dann denk ich bei mir stell:
Rosalie! Su jet wie dich verjess mr nie
Rosalie! Bei dir jonn ich en de Knee
Rosalie! Sujet wie dich verjess mr nie
Rosalie! Bei dir jonn ich en de Knee
Alles wat do kanns es zänke, erömposaune, ich däät dich kränke
weil ich Jeck dir och noch ruude Ruse schenke - na jo, e klei besje verblöht
bei dir maat ich vielleich jet met, vun morjens fröh bes ovends spät
doch ich hau jetz aff, su schnell et jeht, weil: ich ben doch nit blöd – oder?!
Rosalie! Su jet wie dich .....
Rosalie, do jehs mr op de Nerve - mähs mich ratsch-total verröck
doch ohne dich, do muss ich sterve - dröm muss ich zo dir zoröck!
Rosalie! Su jet wie dich .....
Morje fröh setz ich widder bei dir o’m Knee – Rosalie!
Manchmal ist Liebe einfach nicht gradlinig. Oder ist es doch nur Gewohnheit?!
Geschrieben im Frühjahr 2004, aufgenommen im folgenden Herbst mit SCHMITZ, und hier nun endlich auf Tonträger.
Finster …… Fenster
ald widder …… schon wieder
schängs …… schimpfst
Jasse …… Gassen
verzallt …… erzählt
Meet …… Miete
Knee …… Knie
zänke …… zanken
ruude Ruse …… rote Rosen
ovends …… abends
sterve …… sterben
Copyright PAPAGAYO Musikverlage Hans Gerig oHG
WAT FOTT IS, IS FOTT
(T.+M.: F.M.Willizil)
Neulich do stund einer in minger Düür
un saht: „Ich wollt eijentlich janix vun dir;
nur en janz klitzekleine Ungerschriff hier
do op dat Stückche Papier ...“
Koot donoh wor ming Bankkonto leer
un dä Typ kom zickdäm dann och nie widder her
Jetz ben ich bankrott, mi janz Jeld, dat is fott
doch irjendwie bin ich nit kott:
Wat fott is, is fott - un dat mät och kein Sorje mih
wat fott is, is fott - un stört och nit mih
wat fott is, is fott - doch vielleich is ald morje fröh
et Jlöck widder do, un dr Himmel is noh, un et deit nix mih wih!!
Ich trof ens e Mädche, dat wor esu schön
dat wollt esu jän un off aus mit mir jehn
su’n Chance kütt nie widder, han ich mir jesat
un han för dat Mädche et Ääpche jemat
Koot donoh, et Konto wor widder leer
un dat Mädche kom zickdäm dann och nie widder her
dä Schuss, dä is fott, ich bin widder bankrott
doch irjendwie bin ich nit kott (un ihr wisst och, woröm):
Wat fott is, is fott …
Et lääv sich doch ohne vill besser - jo, mr föhlt sich op eimol esu frei
un es alles fott - laach dich einfach kapott
un denk: eimol is alles vörbei ...
Wat fott is, is fott …
Erst, wenn etwas aus deinem Leben verschwindet, merkst du, wie sehr du es vermisst. Manchmal erkennst du aber auch, dass es sich auf einmal viel besser lebt als vorher.
Kölsches Grundgesetz Nr.4.
Geschrieben im Herbst 2000, aufgenommen 2003 mit meiner Band SCHMITZ und hier in einer neuen Abmischung.
stund …… stand
Düür …… Tür
koot …… kurz
zickdäm …… seitdem
kott …… sauer
noh …… nah
deit …… tut
wih …… weh
trof …… traf
jän …… gern
kütt …… kommt
et Ääpche …… den Affen
op eimol …… auf einmal
Copyright PAPAGAYO Musikverlage Hans Gerig oHG
SCHADE
(M.+T.: F.M.Willizil)
Dr Wirt hat keine Lust mehr - dem sitz wohl jrad dr Frust quer
schreit: Schluss! Aus! Alles eraus! - Mann un Maus – alle ab nach Haus!
Mann, immer wenn et jrade richtich Spass macht
kommt wieder so en Dödel, dä dich nass macht
doch Humor is, wenn man fast lacht
aber muss dat denn nu jetz jrad sein?? Mann!!
Schade – schade - et war doch jrad eso schön
von mir aus könnt dat ewich so weiterjehn
Schade – schade - et war doch jrad so wunderbar
un darum is auch jetz schon klar: morjen simmer alle wieder da!
Endlich Wahl jewonnen - Rejierungssitz erklommen
Sensation – Koalition - jrosse Palastrevolution
doch irjendwer hat wohl jeschummelt
an de Prozente stekum rumjefummelt
Revision – Strafsanktion
Endstation in dr Opposition
Schade – schade .....
Mittelteil:
Doch irjendwann is et auf eimal so weit
weil et Leben is nu mal nur ‘n Leben auf Zeit
un immer, wenn et jrade richtich Spass macht
kommt dr Herrjott un sacht: “Schluss mit Fastnacht!
Zeit, dat du jetz ma‘ dein Testament machst
Zeit, dat du jute Nacht sachst ....“
Schade – schade .....
Der Rheinländer an sich weiss gut damit umzugehen, wenn er irgendwo vor die Tür gesetzt wird: Lächeln, nachgeben, und sich durch irgendein Hintertürchen wieder reinmogeln.
Mit der SCHMITZ-Band aufgenommen im Herbst 2004, hier noch mal neu gesungen. „Kannst du die Orgel ein bisschen wie Helge Schneider spielen?“, fragte ich Pete – und dann spielte er, und der Rest der Band lag vor Lachen unter dem Mischpult.
Copyright PAPAGAYO Musikverlage Hans Gerig oHG
MIR LAUFE
(T.+M.: F.M.Willizil)
Jedes Johr läuf dat Theater koot vör Hillichovend an
nur noch an Jeschenke denke un ald widder su spät dran
wammer nit met leere Hängk dann unger’m Bäumche lande well
hilf och jakei Lamentiere – ren en dat Adventsjewöhl !
Mir kaufe dausend Dübel för dä Dieter, dat hä wigger werke kann
Wandteller met Bärentöter för dr Nohber nevvenan
Oma kritt e Perlekettche wunderbar wie jedes Johr
Häkeldeckche för et Nettche, Spängche för däm Hanna sing Hoor
un de Uhr es nit ze stoppe, ielich läuf de Zick uns fott
jlich es Hillichovend do, boh Jung, dat määt uns noch kapott
Jo mir laufe, laufe, laufe öm noch flöck jet enzekaufe
mir renne, renne, renne un mir kaufe wat mr künne
mir jöcke, jöcke, jöcke wie die Jecke durch de Stadt
un schleppe wie die Deppe - Mann, die Fööss, die weeden platt
Hektik, Ärjer, Mareping un Stress – Frohes Fess !!
Mir kaufe paar Pralincher för et Paula, die es suwiesu ze deck
Florian kritt Filzpantuffele, Sarah e Salatbesteck
Kuckucksührche made en Hongkong för dä Kurt us Klettenberch
neue Schlips för Schwager Stefan, Jabi kritt ene Jaadezwerch
un de Uhr es nit ze stoppe, ielich läuf de Zick uns fott
jlich es Hillichovend do, boh Jung, dat määt uns noch kapott
Jo mir laufe, laufe, laufe öm noch flöck jet enzekaufe .... ....
Japapapa ….
Jedes Johr läuf dat Theater, nix jefunge för de Frau
hät doch suwiesu schon alles – kritt se halt en Fläsch Schabau
die wor eijentlich för minge allerbeste Fründ, dä Fritz
doch dä hät bestemp doch selver dat Jeschenk för mich verschwitz
un de Uhr es nit ze stoppe, ielich läuf de Zick uns fott
jlich es Hillichovend do, boh Jung, dat määt uns noch kapott
Jo mir laufe, laufe, laufe öm noch flöck jet enzekaufe .... ....
Täsche voll un Jeld es futsch – Juten Rutsch !!
Ursprünglich mal ein Demo für die Höhner mit dem Thema Ladenschlussgesetz, anfangs der Achtziger auch schon aktuell. Mutierte dann zu einer hektischen Weihnachts-À-Capella-Version für das Programm „Kölsche Weihnacht“, welches seit einigen Jahren von Roland Kulik erfolgreich präsentiert wird und an dem mein kölsches Herz sehr hängt.
Hillichovend …… Heiligabend
wigger …… weiter
ielich …… eilig
Zick …… Zeit
jlich …… gleich
flöck …… schnell
jöcke …… hier: jagen
Fööss …… Füsse
Mareping …… Magenschmerzen
Jadezwerch …… Gartenzwerg
Schabau …… Schnaps
Fründ …… Freund
Copyright PAPAGAYO Musikverlage Hans Gerig oHG