Songtexte

LIVE-VERSION
(T.+M.:  Höhner)
Vogelsang Musikverlag

Kumm, loß mr fiere, nit lamentiere
jet Spaß un Freud, dat hät doch keinem Minsch jeschad
denn die Trone, die do laachs, mußte nit kriesche
loß mr fiere op kölsche Art!

Unser Zick, die is had jenooch
kein Minsch weed dodrus kloog
wat he öm uns eröm passeet
wat mr su in dr Zeidung lies
mät Lääve nit jrad söß
wä weiß schon, wie’t morje wiggerjeht?
An dä Sorje schunkele mir schon nit vörbei
denn alles hät sing Zick – un nix is einerlei

Kumm, loß mr fiere, nit lamentiere
jet Spaß un Freud, dat hät doch keinem Minsch jeschad
denn die Trone, die do laachs, mußte nit kriesche
loß mr fiere op kölsche Art!

Jedeilte Freud heiß dubbelt Freud
un dat deit richtich jot
wann mir laache oder kriesche, dat rejelt kei Jebot!

Kumm, loß mr fiere, nit lamentiere
jet Spaß un Freud, dat hät doch keinem Minsch jeschad
denn die Trone, die do laachs, mußte nit kriesche
loß mr fiere op kölsche Art!

(T.+M.: Höhner / Ingo Wojahn)
Verlag: Vogelsang

         
Minsche wie mir dun kriesche un laache
Minsche wie mir sin nit jän allein
rötsch doch jet nöher – wie Fründe dat maache
Minsche wie mir – jo, Minsche wie mir

Sonndaachs em Veedel, et Wedder is schön
de Zupp koch em Kessel, mr hööt Kölsche Tön
all sin se jekumme zo Raki un Bier
och dä Willi, dä Ali – jo, Minsche wie mir

Minsche wie mir dun kriesche un laache 
Minsche wie mir sin nit jän allein
     rötsch doch jet nöher – wie Fründe dat maache
Minsche wie mir – jo, Minsche wie mir

Uns Oma, die kütt jrad me’m Ääpelschlot an
Hammelkottletts lijje kross en dr Pann
dr Büb spellt Flamenco, Jose singk Berbuer
för et Lis, för Suleika – jo, Minsche wie mir

Minsche wie mir dun kriesche un laache
Minsche wie mir sin nit jän allein
rötsch doch jet nöher – wie Fründe dat maache 
Minsche wie mir – jo, Minsche wie mir

Sirtaki un Schunkele bei Kebab un Flönz
kumm rövver, jet schwaade – no maach kei Jedöns
zick Johre, do wonne mr he Dür an Dür
un mir halde zesamme – jo, Minsche wie mir

Minsche wie mir dun kriesche un laache
Minsche wie mir sin nit jän allein
rötsch doch jet nöher – wie Fründe dat maache
Minsche wie mir – jo, Minsche wie mir

(M.+ T.: Phil Coulter / Spez.T.: Höhner)
Edition Meridian

Et jov en Zick, an die denk ich jän zoröck
in dä Stadt, die ich ens jot jekannt
in dä ahle Schull hatte mir uns off in dr Woll
un im Schwemmbad holte mir uns Sonnebrand
mir han im Büdche jestritz un sin jerannt wie dr Blitz
un trofen uns dann bei uns om Plätzje
do hammer Fußball jespillt un woren off janz schön wild
in dä Stadt, die ich ens jot kannt

Mir sin im Park erömjetollt un krächten de Nas dovun nit voll
als Pänz han mir kein Zick jekannt
wor ens ne Schrom em Knee, jo, dat dät bestemp nit lang wih
bal donoh sin mir ald widder loßjerannt
mir soße jän unger am Rhing un zallten Möven op dr Ling
un han jedem Scheffje zojewunke
han öm Ömmere jewett, un loge nie ze fröh im Bett
in dä Stadt, die ich ens jot kannt

Die Zick verjing vill ze flöck, jo – die Uhr drieht sich nit zoröck
in dä Stadt, die ich ens jot jekannt
mr süht kaum noch Pänz mih do, wo su vill Platz zom Spille ens wor
dä Park is jetz e Stöck vun ener jroße Stroß
op unsere ahle Fußballplatz, do han se en Baustell hinjesatz
un och dat kleine Büdche is verschwunde
weil ne moderne Supermaat wohl jet mih ze beede hatt
in dä Stadt, die ich ens jot kannt

Wohin ich och jon, zovill Jrön wood zo Beton
un de Hüser klimme immer hüher
doch hät die Stadt och e neu Jeseech, su bliev se doch för mich
ming Stadt, die ich ens jot kannt

(T.+M.: F.M.Willizil)
Musikverlage H.Gerig

Et es nit einfach zo erkläre, wat uns all he su verbingk
et es nit nur dä kölsche Schwaad un dat mr kölsche Leeder singk
wo dinge Nome met Hätzbloot op dr Düür jeschrevve steit
weisste jenau, he es et nit verkeet
jo, jetz beste unger Fründe, wo mr dich beim Nome nennt
loss dä Alldaach vör dr Düür sulang dat Lämpche he hück brennt
Jott sei Dank, dat do dr Wääch hehin jefunge häs
un quasi heimjekumme bes

Sulang de Schnüss noch schwaad wie se jewahsse
sulang et Kölsch noch durch dr Zappes (Zapphahn) jeit
sulang dat kölsche Hätz en mingem Balg deit schlare
weiss et secher, wo et hinjehööt
do weiss et secher, wo et hinjehööt

Mr sollt sich immer jot versorje met allem, wat mr nüdich hät
nit bloss dr Mare bruch jet Sösses un sing Övverdosis Fett
mr bruch och off jet för et Hätz, e besje Foder för de Siel
un aff un zo en Kleinichkeit met Stil
jetz es de Zick för ens jet anderes, jetz es Zick för he ze sin
för paar ahle Rituale, neue Krätzjer met un ohne Senn
he bliev mr jän, he bliev mr lang un well su schnell nit widder fott
uns kölsche Aat kritt mr doch nit kapott

Sulang de Schnüss noch schwaad wie se jewahsse
sulang et Kölsch noch durch dr Zappes (Zapphahn) jeit
sulang dat kölsche Hätz en mingem Balg deit schlare
do weiss et secher, wo et hinjehööt
do weiss et secher, wo et hinjehööt

Sulang de Schnüss noch schwaad wie se jewahsse
sulang et Kölsch noch durch dr Zappes (Zapphahn) jeit
sulang dat kölsche Hätz en mingem Balg deit schlare
do weiss et secher, wo et hinjehööt
do weiss et secher, wo et hinjehööt

(M.+T.: F.M.Willizil)

Made in Kölle - en Kölle jemaht
Made in Kölle - es en janz eijene Aat
dat krisste nit kapott
dat jeiht e Lääve lang nit fott
Made in Kölle - en minger Stadt

En Lindenthal jebore, koot noh’m jrosse Kreech
mer hatte nit jrad vell en denne Johr
kein Jrund för sich ze schamme, mer kome joot zorääch
un eins, dat woss ich immer: wat ich wor

Made in Kölle - en Kölle jemaht
Made in Kölle - es en janz eijene Aat
dat krisste nit kapott
dat jeiht e Lääve lang nit fott
Made in Kölle - en minger Stadt

Un ben ich och ens aff un zo wick fott vun ze Hus
för all die andre bloss ne frembde Jung
eins, dat bliev mer immer – dat krisste nie us mer erus
ich drag ming Heimat immer op dr Zung

Made in Kölle - en Kölle jemaht
Made in Kölle - es en janz eijene Aat
dat krisste nit kapott
dat jeiht e Lääve lang nit fott
Made in Kölle - en minger Stad

(T.+M.: F.M.Willizil)
Musikverlage H.Gerig

Juten Tach, ich ben dr Heinz, ich bin joot drop
da es bloss eins, dat rääch mich immer furchbar op
es irjendwo jet Schlimmes passiert
ben jarantiert ich anjeschmiert
weil dann jeder nur noch laach
un sät: dat hät dr Heinz jemaht
alle starren se mich dann an
 dabei habe ich doch nix jetan

Ich ben klein, mi Hätz es rein
weil ich dat nit jewese ben
und wenn doch, jo leck mich doch
ich ben esu wie ich ben

Ich ben klein, mi Hätz es rein
weil ich dat nit jewese ben
und wenn doch, jo leck mich doch
ich ben esu wie ich ben
su wie ich ben

Jitt et irjendwo Krawall
oder ne Super-Riesen-Mega-Skandal
oder es bei uns Tumult
dann es schon Kult: deä kleine Heinz wor schuld
nä – dat müsst ihr doch verston
sujet dät ich doch nie em Levve don
die anderen, dat sin die Bengel
ich ein doch bloss ne kleine, sösse Engel

Ich ben klein, mi Hätz es rein...

Wie es dat dann met üch he all?
Wat hatt ihr dann all esu anjestallt?
Ihr wesst doch: die Bösen kummen all en de Höll he
un wat wollt ihr dann däm leeve Jott verzälle?

Ich ben klein, mi Hätz es rein...

(T.: F.M.Willizil ,G.Steinig  /  M.: F.M.Willizil)
Mascot Music 

1.
Op de Strosse vun Kölle es widder Rauh enjekiert
he un do en de Hüser weed wiggerjefiert
do, wo jrad noch Freud un Spass
es jetz alles stell en dr Jass
op de Strosse vun Kölle es widder Rauh enjekiert

2.
Bunte Kamelle zertrampelt em Dreck
wie dr Prinz se jewurfe hät, wore de Lückcher su jeck
doch dat es jetz ald fass verjesse
Kehrmänncher kumme met jrosse Bese
bunte Kamelle zertrampelt em Dreck

Rusemondaach es vörbei
Rusemondaach es vörbei

3.
Ne kleine Indianer kütt vum Kreechspfad noh Hus
dr Zoch es am Engk, un de Luff es erus
morje noch ens durch et Veedel trecke
do treffe sich die letzte Jecke
ne kleine Indianer kütt vum Kreechspfad noh Hus

Rusemondaach es vörbei
Rusemondaach es vörbei
Rusemondaach es vörbe